Dustin Yu, Bianca De Vera, nagkaayos na sa loob ng Bahay ni Kuya

Matapos magkatampuhan, nagkabati na sina Dustin Yu at Bianca De Vera.
Nagkaayos na ang Pinoy Big Brother Celebrity Collab housemates na sina Dustin Yu at Bianca De Vera.

Matatandaan na nagkatampuhan sina Dustin ay Bianca dahil sa mga nasabi ng aktor patungkol sa kaniyang kapwa housemate. Ngunit sa latest update ng reality TV show, makikitang tila okay na ang dalawa.

Sa katunayan, habang nag-aalmusal ang housemates ay makikitang magkatabi at magkaharap sina Dustin at Bianca. Makikita rin na sinusubuan pa nga nila ang isa't isa ng pagkain.

Kilig na kilig naman ang kapwa nila housemates na sina Charlie Flemming at River Joseph sa nakitang sweetness, maging ang netizens na nagpahayag ng kanilang kilig at saya sa pagkakabati ng dalawa.